Во рамките на одлуката на Владата на Република Македонија за стипендирање на 500 млади и надежни спортисти, НФСРИМ-МПК се избори и годинава петнаесет млади спортисти со инвалидност во 2010/2011 година да примаат спортска стипендија во износ од 20% од просечната месечна плата во РМ. Спортистите потпишаа Договори со Агенцијата за млади и спорт, а на 23.12.2010 година во просториите на Македонската опера и балет, се одржа свечено врачување на Дипломите на спортистите од страна на Министерот за образование г-дин Никола Тодоров и директорот на Агенцијата за млади и спорт, г-дин Диме Спасов.
