Државно првенство во атлетика 2012

На 30.09.2012 година на стадионот во близина на спортската сала „Јасмин“ во Кавадарци беше одржано државното првенство во атлетски повеќебој во фрлачки дисциплини за спортисти со инвалидност на Македонија за 2012 година во организација на Националната федерација за спорт и рекреација на инвалидите на Македонија – Македонски параолимписки комитет. На првенството зедоа учество 33 натпреварувачи кои ги поминаа квалификациските натпревари од трите региони во РМ поделени во 6 натпреварувачки категории. Натпреварувачите во класите 54-58 во категорија мажи и жени беа селектирани врз основа на пласманот од Републичките спортски игри на лицата со телесен инвалидитет на РМ кои се одржаа во Струга годинава во организација на Мобилност Македонија. Токму тие годинава за прв пат настапија од посебно столче за фрлачки дисциплини изработено по пропозициите на Меѓународниот параолимписки комитет.

Овие фрлачки столчиња се изработуваат индивидуално од самите спортисти и тие самите си ја бираат формата, изгледот и помошните рачки и прегради. Она што е стандард е дека висината на столот заедно со перничето не смее да изнесува повеќе од 75 сантиметри од подот и алките за фиксирање со подлогата заради брза монтажа. Искрено се надеваме дека ова ќе побуди интерес кај дел од спортистите со инвалидност од оваа класа (51-58), кои планираат сериозно да се занимаваат со спорт, да пристапат кон изработка на фрлачки стол адаприран на нивната инвалидност и нивните специфични потреби и ќе започнат сериозен и стручно програмиран тренажен процес кој во иднина би резултирал со подобрување на спортските перформански и можно учество на некои следни Параолимписки игри. За тоа ќе биде потребно да се вложи многу труд и да се пролее многу пот.

Првенството помина во фер и коректна атмосвера, на исклучително топло време од 33 степени целзиусови иако беше крај на месец септември и на истото беа постигнати следните резултати по категории:

Жени класи Ф55-58

Жени класи Ф46и општа

Мажи класа Ф54-57

Мажи класа Ф37-46

Мажи класа Ф11-13 (слепи и слабовидни)

Мажи останата инвалидност(глуви, трудови…)

НФСРИМ-МПК обезбеди медали за првопласираните 3 натпреварувачи по дисциплини. Медалите ги додели селекторот во атлетика при НФСРИМ-МПК, Крсто Серафимовски.

???????

atletika3

atletika2

atletika1

atletika4