ЗАПОЧНА ЛИГАТА НА МАКЕДОНИЈА ВО ПИНГ ПОНГ ЗА 2019 ГОДИНА

Во организација на Националната федерација за спорт и рекреација на Северна Македонија – Параолимписки комитет на Северна Македонија, на 31.08.2019 година започна Лигата во пинг понг за сортисти со телесен инвалидитет на Македонија за 2019 година.

Во лигата ќе учествуваат 6 екипи и тоа: ССРИ Куманово, ССРИ Прилеп, ССРИ Кисела Вода-Скопје, ССРИ Битола, ССРИ Велес и ССРИ Скопје II.

По извршеното жребање редоследот на екипите е следен: 1.ССРИ Скопје II, 2.ССРИ Прилеп; 3.ССРИ Велес; 4.ССРИ Битола; 5.ССРИ Кисела Вода; 6.ССРИ Куманово. Редоследот на колата ќе биде согласно Бергеровата таблица за учество на 6 екипи на натпревари.

Беше одлучено да се направи последен обид на лигата да и се приклучат и ССРИ Струмица и ССРИ Охрид. Доколку во следните 7 дена не се постигне согласност, лигата ќе се одржи со 6 екипи.

Лигата ќе се игра турнирски, двокружно и ќе се одиграат вкупно 10 кола пред да се прогласи победникот на лигата. Во составот на екипата се 2 играчи и еден резервен играч, а на крајот на лигата најдобриот клуб ќе добие пехар, а пингпонгарите на најдобрите 3 клуба златни, сребрени и бронзени медали. Комесар на лигата е Драган Дојчиноски-генерален секретар на Параолимпискиот комитет на Северна Македонија

По извршеното жребање, беа одиграни првото и второто коло и беа постигнати следните резултати:

I коло

ССРИ Скопје II : ССРИ Куманово 0:3

ССРИ Прилеп : ССРИ Кисела Вода 3:2

ССРИ Велес : ССРИ Битола 1:3

II коло

ССРИ Куманово : ССРИ Битола (одложена)

ССРИ Кисела Вода : ССРИ Велес 3:0

ССРИ Скопје II : ССРИ Прилеп 0:3

По одиграните 2 кола табелата изгледа вака:

1. ССРИ Прилеп (6:2) 4 бодови
2. ССРИ Куманово (3:0) 2 бодови (-1 натпревар)
3. ССРИ Кисела Вода (5:3) 2 бодови
4. ССРИ Битола (3:1) 2 бодови (-1 натпревар)
5. ССРИ Велес (1:6) 0 бодови
6. ССРИ Скопје II (0:6) 0 бодови

12

14

10

13

11

09

08

07

06

05

04

03

02

01