Среберен медал за Оливера Наковска Бикова во дисциплината Спорт пиштол на 25 м. во Хановер

БРОНЗЕН МЕДАЛ ЕКИПНО ВО ИСТАТА ДИСЦИПЛИНА

На Интернационалното првенство на Хановер 2019 година во стрелаштво, учествуваат спортисти од 31 држава, меѓу кои и од 6 држави вон Европа (САД, Канада, Австралија, Кореја, Бразил, Индија).

Нашата репрезентативка и најдобра спортистка Оливера Наковска Бикова, денес во дисциплината Спорт пиштол на 25 метри го освои второто место и сребрениот медал.

Браво за Оливера која беше единствена дама во финалето во борба со седум претставници на „посилниот пол“.

Екипно во истата дисциплина, нашите спортисти Оливера Наковска Бикова, Ванчо Каранфилов и Бранимир Јовановски, го освоија 3-то место и бронзениот медал во конкуренција на 6 екипи. Само 3 круга не делеа од второто место, а дополнително, Ванчо Каранфилов стрелаше во висина на минимум норма за учество на Светското првенство во Сиднеј, Австралија. Во оваа дисциплина, норма има уште и Бикова (од минатото Светско првенство во Кореја 2018).

Утре Оливера настапува во дисциплината воздушен пиштол на 10 метри. Очекуваме уште едно финале и уште еден медал, зошто да не.

Машкиот дел од тимот во истата дисциплина (воздушен пиштол) вчера стрелаше далеку под своите можности.

[Best_Wordpress_Gallery id=”208″ gal_title=”hanover2019-2″]