Сојузот за спорт и рекреација на инвалиди Куманово, со финансиска поддршка од Општински сојуз на спортови на Куманово, на 09.11.2024 година во ресторанот “Грација” во Куманово одржа спортско рекреативна средба во шах и пикадо за спортисти со инвалидност, на кој учествуваа 30 спортисти со инвалидност од: ССРИ Кисела Вода – Скопје, ССРИ Битола, ССРИ Штип, ССРИ Кочани и ССРИ Куманово. За жал поканетите ССРИ Кавадарци и ССРИ Велес заради други обврски не настапија на турнирот.
За значењето на овој ден на присутните им се обрати и настанот го прогласи за отворен Ивана Ѓорѓиевска, претседателката на Советот на општина Куманово, а на присутните им се обратија и Страшко Коцевски – претседател на ССРИ Куманово и Бранимир Јовановски – претседател на Параоломпискиот комитет.
Во фер и пријателска атмосфера првите три места и симболични награди од 1.500, 1.200 и 900 денари ги освоија:
ШАХ
1. Горан Војновски од Кочани;
2. Јанчо Ѓорѓевски од Куманово;
3. Васко Јакимов од Штип.
ПИКАДО
1. Јоле Стојановски од Битола со 189 кругови;
2. Тоде Арсов од Штип со 166 кругови;
3. Лилјана Мицовска од Кочани со 162 кругови.
ССРИ Куманово им се заблагодарува на сите учесници и официјални лица на манифестацијата, како и на сите кои помогнаа за одржување на истата.
Поврзани објави
СПРОВЕДЕНА ОБУКА ЗА ПАРА СПОРТ ЛИДЕРСТВО ЗА ЖЕНИ
НА ПРИЕМ ВО МАКЕДОНСКАТА АМБАСАДА ВО ПАРИЗ
ВО ВРСКА СО СВЕЧЕНОТО ОТВАРАЊЕ НА ПОИ ПАРИЗ 2024