На 07.12.2023 година, во Собранието на РСМ, под слоганот ” Улогата на спортот во создавање на здрав животен стил”, се одржа Самит на големи спортски имиња на спортот и спортското новинарство од Југоисточна Европа.
Организатори на настанот беа асоцијацијата на спортски новинари на југоисточна европа и Олимпискиот комитет на Северна Македонија.
Модератор на самитот беше Бошко Трпевски, а на говорницата говореа министерот Оливер Спасовски, претседателот на ОКСМ, Даниел Димовски, претседателот на Српскиот олимписки комитет, Божидар Маљковиќ, професорите Нано Ружин, Чедомир Саздовски и Влатко Неделновски, потоа Раде Георгиевски познат кошаркарски работник, Јура Озмец, новинар од Хрватска и генерален секретар на асоцијацијата на новинари на југоисточна европа и Максим Димитриевски, градоначалник на Куманово кој во својот говор искажа голема благодарност за поканата и приликата да ги претстави резултатите на полето на развојот на спортската инфраструктура во Куманово, како и присуството на големите кумановски олимписки асови, Реџеп Реџеповски и Бранимир Јовановски, кои со своето присуство дадоа тежина на настанот.
Куманово продолжува да се развива на спортски, а
Спортистите се најголеми амбасадори на една држава, така е било и така ќе остане.
Се дискутираше како спортот уште повеќе да се доближи до младите, за градење на здрав начин на живот и развивање на витештвото, како императив во градењето на спортската култура на генерациите кои доаѓаат.
Деканот на Факултетот за физичко образование, спорт и здравје изнесе загрижувачки податоци за рапидно зголемената дебелина кај младите генерации во одредени делови во Македонија од 48 проценти, што е лош показател и за санирање на состојбата потребно е да се преземат итни мерки.
Се констатира дека е во завршна фаза изработката на Национална стратегија на спортот, во подготовка од ОКСМ, која дава надеж и нов импулс во однос на развојот на спортот во РСМ.
Поврзани објави
ПРЕТСЕДАТЕЛОТ НА МЕЃУНАРОДНИОТ ПАРАОЛИМПИСКИ КОМИТЕТ, ЕНДРЈУ ПАРСОНС (ANDREW PARSONS), ВО РАБОТНА ПОСЕТА НА МАКЕДОНСКИОТ ПАРАОЛИМПИСКИ КОМИТЕТ
ОДРЖАН ПРВИОТ ИНИЦИЈАЛЕН СОСТАНОК НА ПАРТНЕРИТЕ НА ПРОЕКТОТ VIEWS (Volunteering for Inclusion and Empowerment with Sports)
ОДБЕЛЕЖАНИ 15. ГОДИНИ ОД МЕЃУНАРОДНОТО ПРИЗНАВАЊЕ НА ПАРАОЛИМПИСКИОТ КОМИТЕТ НА ЦРНА ГОРА