На 25.02.2023 година, на воздушното стрелиште во Битола се одржа Државно првенство во стрелаштво со воздушно оружје – пушка и пиштол на 10 метри, во категорија на мажи и жени во организација на МССФ.
Се натпреваруваа 12 клубови и околу 100 стрелци во сите дисциплини и категории.
На првенството настапи и македонската светска шампионка во малокалибарски пиштол 50м. и европска шампионка во дисциплината воздушен пиштол 10м, Оливера Наковска Бикова, која со резултат од 554 кругови го освои првото место и титулата државна шампионка.
Настап на првенството имаше и нашиот стрелец Александар Јовановски, кој стрелаше вон конкуренција во категорија мажи пиштол. После коректен почеток, во вториот дел од натпреварот забележа сериозен пад на резултатот и натпреварот го заврши со 533 кругови.
Оливера и Александар ги очекува настап на повеќе меѓународни првенства годинава, а прв од нив е Меѓународното првенство на Хановер 28.04-06.05.2023.
Честитки за Оливера за освоената уште една титула во низа.
Поврзани објави
ПРВО БАЛКАНСКО ПРВЕНСТВО ВО ПИНГ ПОНГ, ВРЊАЧКА БАЊА 2025
ЕКИПНО БРОНЗЕН МЕДАЛ ВО КЛАСА 6-7 ЗА ИГОРЧО ПОСТОЛОВ И МАРЈАН ЗАФИРОВСКИ
БРОНЗЕН МЕДАЛ ЗА ИГОРЧО ПОСТОЛОВ НА МЕЃУНАРОДНИОТ ПИНГ ПОНГ ТУРНИР „ПОДГОРИЦА ОПЕН 2024“