Спортска дипломатија: Спортот како алатка за унапредување на национални интереси и надворешно-политички приоритети.
На 15.02.2022 година, во амфитеатарот на Министерството за надворешни работи, но и преку Зум онлајн конекција, во организација на Министерството за надворешни работи на Република Северна Македонија во соработка со Владата на Република Северна Македонија и Амбасадата на Република Франција во Скопје, беше одржан меѓународен наслов наречен: Спортска дипломатија- Спортот како алатка за унапредување на национални интереси и надворешно-политичкиприоритети.
Параолимпискиот комитет на Северна Македонија беше присутен на настанот преку претседателот, Бранимир Јовановски (онлајн), и генералниот секретар, Драган Дојчиноски (физичко присуство).
Спортската дипломатија е нов термин кој опишува стара практика: уникатната моќ на спортот да ги зближи луѓето, заедниците и нациите преку физичка активност и спорт. Спортската дипломатија може да се дефинира како свесна, стратешка и редовна употреба на спортот, спортистите и спортските настани од страна на министерствата за надворешни работи и нивниот дипломатски персонал за да се создаде долгорочно и заемно корисно партнерство со цел унапредување на релациите и можностите за развојни, културни, трговски, образовни и туристички можности и инвестиции. Спортската дипломатија има капацитет да го користи спортот за да ги унапреди националните интереси на една земјакако и да го зајакне дипломатското влијание и глобалната репутација. Спортот, исто така, може да генерира значителeн економски развој и да привлече значителни инвестиции за земјите.
Северна Македонија е успешно етаблирана во полето на спортската дипломатија. Во регионот на Западен Балкан, Северна Македонија е една од првите земји кои ја практикува спортската дипломатија на национално и на меѓународно ниво. Во 2021 година, првиот спортско-дипломатски настан за Северна Македонија беше организиран во Букурешт, Романија на маргините на ЕУРО 2020. Фокусот на настанот беа трговијата и инвестициите, како и создавање одржливи партнерства меѓу Северна Македонија и Романија.
Франција е една од водечките земји во светот со развиена стратегија за спортска дипломатија и прва држава која во редовите на Министерството за надворешни работи ја има ангажирано г-ѓа Лоренс Фишер во улога на амбасадорка за спортска дипломатија. Нејзиниот фокус на работа е афирмација на Франција на интернационална сцена, привлекување на инвестиции и одржување на мега спортски настани во Франција.
Теми на дискусија беа:
· Спортот како алатка за дипломатски цели и постигнување на надворешно-политички приоритети
· Спортот како алатка за економски развој и привлекување на инвестиции
· Спортот како платформа за афирмација на вредности и креирање на одржливи партнерства
Воведни обраќања имаа:
-Бујар Османи, Министер за надворешни работи на Република Северна Македонија
-Сирил Баумгартнер, Амбасадор на Франција во Република Северна Македонија
Потоа следеа презентации и дискусии поделени во 3 панел групи и тоа:
ПАНЕЛ I. Спортот како алатка за дипломатски цели и постигнување на надворешно-политички приоритети
-Керол Гомез, виш научен соработник во ИРИС за меѓународни спортски прашања
-Силвија Митевска, советничка на премиерот на Северна Македонија за спорт
-Лоренс Фишер, француска амбасадорка за спортска дипломатија
ПАНЕЛ II. Спортот како алатка за економски развој и привлекување наинвестиции
-Иван Анастасовски, професор на Факултетот за физичко образование, спорт и здравје
-Александар Донев, основач и претседател на Mustseedonia
-Тања Георѓиевска, Програма за зголемување на пазарна вработливост
ПАНЕЛ III. Спортот како платформа за афирмација на вредности и партнерства на грасрут ниво
-Силвија Митевска, советничка на премиерот на Северна Македонија за спорт
-Илина Дишовска, планинарка
-Пулексенија Јованоска, каратистка
Поврзани објави
ОДРЖАН ОНЛАЈН КОНФЕРЕНЦИСКИ СОСТАНОК ПОМЕЃУ ПРЕТСЕДАТЕЛОТ НА ИПЦ, ANDREW PARSONS, И НАЦИОНАЛНИТЕ ПАРАОЛИМПИСКИ КОМИТЕТИ
Календар на спортски активности на Националната федерација за спорт и рекреација на инвалидите на Северна Македонија – Параолимписки комитет на Северна Македонија (НФСРИСМ-ПКСМ) за 2024 година
ОДРЖАН ОНЛАЈН СЕМИНАР ЗА УПРАВУВАЊЕ СО АКРЕДИТАЦИИ ЗА УЧЕСНИЦИ НА ПОИ ПАРИЗ 2024