На 04 февруари 2020 во канцеларијата на Параолимпискиот комитет на Северна Македонија, Амбасадорката Кеико Ханеда се сретна со претседателот на комитетот, Бранимир Јовановски и генералниот сектретар, Драган Дојчиноски.
На средбата ја информиравме амбасадорката, дека во моментот, нашата делегација која ќе учествува на Параолимписките игри во Токио брои 4 учесници од кои: еден спортист, еден тренер, еден лекар и еден шеф на мисија. Очекуваме во месец мај уште двајца наши спортисти-стрелци да се изборат за директна квота за учество на игрите. Потоа дискутиравме за подготовките и очекувањата од учество на нашите спортисти на Параолимписките игри 2020 година во Токио, за минатите настапи на параолимписките игри, за освоените медали, а од страна на амбасадорката ни беше претставен градот Чигасаки во перфектурата Канагава кој е град домаќин за македонските спортисти. Се разделивме со ветување за нова средба во месец јули, кога се очекува да пристигне делегација од градот домаќин на нашите спортисти Чигасаки.
Поврзани објави
ПОВИК ЗА ОБУКА ЗА ЛИДЕРСТВО НА ДЕВОЈКИ И ЖЕНИ ВО СПОРТОТ
ОДРЖАН ОНЛАЈН КОНФЕРЕНЦИСКИ СОСТАНОК ПОМЕЃУ ПРЕТСЕДАТЕЛОТ НА ИПЦ, ANDREW PARSONS, И НАЦИОНАЛНИТЕ ПАРАОЛИМПИСКИ КОМИТЕТИ
Календар на спортски активности на Националната федерација за спорт и рекреација на инвалидите на Северна Македонија – Параолимписки комитет на Северна Македонија (НФСРИСМ-ПКСМ) за 2024 година