ССРИ КУМАНОВО ШАМПИОНИ ЗА 2018 во Лига на Македонија во пинг понг

Пингпонгарската екипа н ССРИ Кумново во состав: Страшко Коцевски, Зоран Трајановски и Небојша Ташиќ, предводени од тренерот Мики Трендафиловски,) убедливо ја освоија Лигата на Македонија во пинг понг за 2018 година за спортисти со телесна инвалидност.

Во конкуренција на 6 екипи, кумановчаните се закитија со златни медали и го освоија престижниот пехар со освоени максимални 20 поени, односно со скор од 10 победи од одиграни 10 утакмици.

На второто место се пласира екипата на ССРИ Прилеп (Рубинчо Ристески, Митко Сотироски и Марјан Зафировски) со освоени 16 поени и скор осум победи од 10 утакмици (два пораза од ССРИ Куманово), а третото место и припадна на екипата на ССРИ Кисела Вода од Скопје (Вјечислав Корјакин, Дејан Алексовски и Олга Ристовска) со освоени 12 поени.

Лигата беше одржана благодарение на средства добиени од Агенција за млади и спорт за функција на клубовите на Националната федерација за спорт и рекреација на инвалидите на Македонија – Македонски параолимписки комитет.

Конечна табела:
1. ССРИ Куманово со освоени 20 поени
2. ССРИ Прилеп со освоени 16 поени
3. ССРИ Кисела Вода со освоени 12 поени
4. ССРИ Скопје 2 со освоени 8 поени
5. ССРИ Битола со освоени 4 поени
6. ССРИ Струмица без поени 0

10

11

9

12

8

5

6

4

3

2

7

1