НФСРИСМ – ПКСМ

Национална федерација за спорт и рекреација на инвалиди на Северна Македонија – Параолимписко комитет на Северна Македонија

РАБОТНА СРЕДБА СО ВЛАДИМИР ИСКРОВ, ТРЕНЕР НА КЛУБОТ ЗА КОШАРКА ВО КОЛИЧКИ „ЛЕВСКИ“ ОД СОФИЈА

На 16.04.2022 година во Куманово, претседателот на Параолимпискиот комитет на Северна Македонија, Бранимир Јовановски, одржа куса работна средба со Владимир Искров, тренер на Клубот за кошарка во колички „Левски“ од Софија и тренер на националниот тим на Бугарија во кошарка во колички. На состанокот присуствуваа и кошаркарите од Софија, Александар Попов и Атила Хамди.
По првичното запознавање и претставување, го информирав тренерот Владимир Искров за иницијативата за формирање на клуб за кошарка во количка и средбата што ја одржавме на 12.04.2022 година во просториите на НЛБ Банка во Скопје со претставниците на НЛБ Вил Лигата, Грегор Грачнер и Дане Кастелиц од Словенија, потоа претставниците на Амбасадата на Германија во Скопје, претставници на НЛБ Банката во Скопје, Триглав Осигурување во Скопје, Кошаркарска федерација на Македонија и организаторот на средбата, Амбасадата на Словенија во Македонија. Ова за нас се пионерски чекори во овој спорт и очекуваме до октомври да добиеме термин во спортска сала за започнување со тренинзи и доволен број на специјални кошаркарски инвалидски колички за игра.
Секако дека искуството на клубовите и тренерите од регионот ќе ни биде неопходно потребно и отворени сме за секаков вид на соработка.
Тренерот Владимир Искров истакна дека Софија е на само 200км од Скопје, релативно бргу се патува и тие како клуб се волни да ни дадат секаков вид на поддршка.
Искрено очекувам ова прва средба и искрено подадена рака на соработка, да премине во почеток на една плодна соработка во повеќе области, дури и можност за заедничко учество на некои европски проекти кои би можеле да обезбедат развој на спортот кошарка во колички, како и натамошно опремување и финансирање на активностите во ова насока.