ОЛИВЕРА НАСТАПИ ВО ФИНАЛЕТО НА СП ВО АЛ АИН ВО ДИСЦИПЛИНАТА ВОЗДУШЕН ПИШТОЛ-ЖЕНИ И ГО ОСВОИ 7. МЕСТО

На 11.11.2022 година, нашата златна параолимпијка настапи на Светското првенство во Ал Аин во дисциплината П2-воздушен пиштол жени.

По истрелани 6 серии во квалификациите, Оливера со одличен резултат од 568 кругови се пласира на третото место, кое и’ донесе влез во финалето, меѓу осумте спортистки кои се бореа за медали и двете предвидени директни квоти за Париз 2024.

По настапот во финалето, кое за жал не тргна според очекуваното, Оливера заврши на конечното 7-мо место.

За жал, таа не успеа да го задржи фокусот до крај, да остане смирена и прецизна како во квалификациите, и по куса борба во финалето мораше да го напушти теренот како седмопласирана.

Добар настап за Оливера во секој случај, уште еднаш ја потврди својата висока класа, овој натпревар останува зад нас а ние одиме понатаму. Следниве денови не’ чекаат напорни тренинзи, а на 14-ти и последниот настап во дисциплината П4-пиштол слободен избор 50м. Во оваа дисциплина ќе се доделат 5 директни квоти за Париз 2024, најнапред 1 квота за поведникот во оваа дисциплина (gender free – без оглед дали е машко или женско), а потоа на најдобро пласираните 2 мажи, и најдобро пласираните две жени во редоследот.