На 02.06.2021 година беше одржан пред-регистрациски состанок помеѓу претседателот на Параолимпискиот комитет на Северна Македонија, Бранимир Јовановски и претставниците на Токио 2020: Владимир Дриума-регионален менаџер за комуникација и координација со Националните параолимписки комитети (НПК), Лариса Соарес-менаџер за акредитации на НПК и Бруно Симпсон-менаџер за спортски пријави (Европа).
На едночасовниот состанокот одржан на Team платформата беа дискутирани повеќе теми, меѓу кои: можен состав на делегацијата од нашиот комитет која ќе учествува на игрите, потреба на тимот од соби со адаптиран тоалет и адаптиран превоз, број и функција на потенцијалните учесници на игрите, број на асистенти и возачи кои ќе ни бидат на располагање, моментално квалификуваните спортисти за Токио 2020 вклучително тие со директна квота, со Универзална вајлд карта и со потенцијална Бипартитна карта, потоа за широката листа на акредитирани лица, како и точна адреса на комитетот за прием на времените акредитации кои ќе послужат и како виза за влез во Јапан, и многу други прашања.
Засега сите наши обврски кон организацискиот комитет на Токио 2020 Параолимписки игри се завршени, следи натамошна комуникација во врска со ковид-19 мерките, нов вебинар по издавањето на конечната верзија на Плејбукот кон крајот на овој месец, инсталација во системот ICON за пратење на здравствената состојба на потенцијалните учесници на игрите итн.
Поврзани објави
ОДРЖАН ОНЛАЈН КОНФЕРЕНЦИСКИ СОСТАНОК ПОМЕЃУ ПРЕТСЕДАТЕЛОТ НА ИПЦ, ANDREW PARSONS, И НАЦИОНАЛНИТЕ ПАРАОЛИМПИСКИ КОМИТЕТИ
ОДРЖАН ОНЛАЈН СЕМИНАР ЗА УПРАВУВАЊЕ СО АКРЕДИТАЦИИ ЗА УЧЕСНИЦИ НА ПОИ ПАРИЗ 2024
ОДРЖАН ВИДЕО СОСТАНОК СО ПРЕТСТАВНИЦИ НА КОМИТЕТОТ ЗА ОРГАНИЗАЦИЈА НА ОЛИМПИСКИТЕ И ПАРАОЛИМПИСКИТЕ ИГРИ ВО ПАРИЗ 2024