Плејбуксите, книги на сублимирани мерки на заштита од Ковид-19 и правила на однесување на учесниците на игрите, се основа на планот на организаторите за да се осигураат дека сите учесници на Олимписките и Параолимписките игри и луѓето од Токио и Јапонија ќе бидат безбедни и здрави ова лето.
Контрамерките за COVID-19, опишани во Playbook, се дизајнирани да создадат безбедна средина за сите учесници на Игрите. Подеднакво, тие нудат дополнителен слој на заштита за нашите домаќини, жителите на Јапонија. Мора целосно да се придржуваме до Плејбукот во текот на целото време во Јапонија, сведувајќи ја на минимум нашата интеракција со лицата кои не се учесници на игрите.
Правилата се развиени заеднички од Меѓународниот олимписки комитет, Меѓународниот параолимписки комитет и Организациониот комитет Токио 2020 година. Се темелат на обемната работа на работната група во чиј состав беа вклучени сите партнери, како и претставници на Светската здравствена организација, Владата на Јапонија, локалната управа на Токио, независни експерти и организации од целиот свет.
Првите верзии, објавени на почетокот на февруари 2021 година, ги содржеа одговорностите на сите учесници на Игрите и правилата што мора да се следат – почнувајќи од 14 дена пред заминување за Јапонија, влегувањето во Јапонија на Игрите, како и напуштање на Јапонија.
Вторите верзии содржат ажурирани упатства и дополнителни детали за тоа како ќе бидат организирани игрите, така што спортистите и сите заинтересирани страни на Олимписките и Параолимписките игри можат да ги финализираат и спроведат своите планови за патување и учество на игрите.
Во јуни ќе биде објавена третата и последна планирана верзија на „Плејбук“ која ќе обезбеди ажурирање на сите значајни промени и ќе ги реши сите отворени прашања.
Совет до сите учесници на игрите: „Сите мора да преземеме одговорност да обезбедиме безбедни и успешни игри. Следете ги правилата и мерките објавени во Плејбуксите, почитувајте ги вредностите на извонредност, почит и пријателство. Состојбата со Ковид-19 има предизвици што треба да се надминат со одговорност, почитување пропишаните мерки, дури и по цена на ограничувањата“.
Текстот можете да го прочитате на следниот линк:
Поврзани објави
ПОДГОТОВКИ НА АТЛЕТИЧАРИТЕ СО ИНВАЛИДНОСТ, ПОДДРЖАНИ ОД ПРОГРАМАТА НА ИПЦ ЗА РАЗВОЈ НА НАЦИОНАЛНИТЕ ПАРАОЛИМПИСКИ КОМИТЕТИ ЗА 2024
ОДРЖАН ОНЛАЈН КОНФЕРЕНЦИСКИ СОСТАНОК ПОМЕЃУ ПРЕТСЕДАТЕЛОТ НА ИПЦ, ANDREW PARSONS, И НАЦИОНАЛНИТЕ ПАРАОЛИМПИСКИ КОМИТЕТИ
ОДРЖАН ОНЛАЈН СЕМИНАР ЗА УПРАВУВАЊЕ СО АКРЕДИТАЦИИ ЗА УЧЕСНИЦИ НА ПОИ ПАРИЗ 2024