ДРЖАВНО ПРВЕНСТВО ВО ПИНГ ПОНГ ВО ОРГАНИЗАЦИЈА НА НФСРИСМ-ПКСМ
На 25.09.2022 година во салата „Јасмин“ во Кавадарци, во организација на Националната федерација за спорт и рекреација на инвалидите на Северна Македонија – Параолимпискиот комитет на Северна Македонија, се одржа Државното првенство во пинг понг за спортисти со инвалидност.
На натпреварот учествиваа 42 спортисти со инвалидност од кои 26 спортисти со телесен инвалидитет и 16 спортисти со оштетен слух.
Судии на натпреварот беа Драган Дојчиноски, Тони Пајдаков и Бранимир Јовановски, а натпреварот се одржа во исклучително фер и коректна атмосфера.
На најдобрите по одделни категории им беа доделени медали од страна на генералниот секретар на комитетот, Драган Дојчиноски.
Средства за покривање на трошоците за одржување на државното првенство беа обезбедени од Министерството за труд и социјална политика и Агенцијата за млади и спорт.
Поврзани објави
ПОДГОТОВКИ НА АТЛЕТИЧАРИТЕ СО ИНВАЛИДНОСТ, ПОДДРЖАНИ ОД ПРОГРАМАТА НА ИПЦ ЗА РАЗВОЈ НА НАЦИОНАЛНИТЕ ПАРАОЛИМПИСКИ КОМИТЕТИ ЗА 2024
ТУРНИР ВО ПИНГ ПОНГ ПО ПОВОД 6 АПРИЛ – СВЕТСКИ ДЕН НА СПОРТОТ
УШТЕ ЕДНА ТИТУЛА ДРЖАВЕН ПРВАК НА МАКЕДОНИЈА ЗА ОЛИВЕРА НАКОВСКА БИКОВА