На 05.06.2024 година во Гранада се одржа последната пиштолска дисциплина на Европското првенство, П4-Пиштол слободен избот 50 метри.
Оливера постојано беше меѓу осумте најдобри, очекувавме влез во финале, меѓутоа во третата серија имаше два лоши истрели (4 и 5), и потоа цело време се движеше на осмото и деветтото место, за да на крај сепак го освои деветото место. Таа за прв пат настапи со новиот пиштол (како и Александар) па можеби и тоа е дел од резултатот, но секако стои и фактот дека и двајцата стрелци годинава за прв пат настапуваат на меѓународен натпревар.
Александар имаше преголема желба да се впушти во борбата за последната квота за Париз 2024, меѓутоа работите на почетокот на натпреварот не одеа како посакувавме, имаше премногу киксеви во првата серија. Подоцна се подобри, меѓутоа беше предалеку од потребниот резултат.
Како и да е, успешен настап на спортистите, уште едно добро искуство, одиме понатаму, патот до Париз 2024 е уште долг
Поврзани објави
8. МЕСТО ЗА ОЛИВЕРА ВО ФИНАЛЕ ВОЗДУШЕН ПИШТОЛ ЖЕНИ 10м
Прием кај претседателката Гордана Силјановска Давкова
ПОДГОТОВКИ ЗА ПАРИЗ 2024