Настап на атлетичарите на меѓународни првенства

Покрај спортистите стрелци, на Параолимписките игри се надеваме дека ќе учествува и атлетичарот Ифраим Љута од Тетово за кого е побарана вајлд карта. Тој заедно со својот тренер Далибор Спасовски во април месец годинава беше на десет дневни подготовки во Софија, а заедно со нашиот спортист Александар Талески, предводени од селекторот Крсто Серафимовски од 23-25.05.2008 година ќе учествуваат на отвореното првенство на Хрватска во Ријека.
Ифраим Љута и неговиот тренер Далибор Спасовски ќе учествуваат и на отвореното првенство на Германија што ќе се одржи во Берлин од 12-14.06.2008 година.