Македонската репрезентација во стрелаштво пара спорт учествува на Гранд При натпреварот во Нови Сад, Србија, на кој се пријавени да учествуваат 128 стрелци од 30 држави.
Денес, во дисциплината воздушен пиштол 10м жени, Оливера Наковска Бикова со одличен настап и висок резултат го освои 1-то место во конкуренција на повеќе натпреварувачки кои ќе учествуваат на Параолимписките игри во Париз 2024.
Во основниот дел Оливера стрелаше одлични 575 кругови (пет кругови помалку од светскиот рекорд), а потоа умешно стрелаше во финалето и на крајот се закити со златен медал, пред турчинката Пенлихвар и Азербејџанката Бабајева.
Александар Јовановски настапи во истата дисциплина во категорија на мажи и со резултат од 538 кругови го зазеде 17-то место.
Поврзани објави
АТЛЕТИЧАРИТЕ УЧЕСТВУВААТ НА СРБИЈА ОПЕН 2026 ВО КРУШЕВАЦ
ДРЖАВНО ПРВЕНСТВО ВО ШАХ 2026 НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА
ПРВО МЕСТО ЗА ЕКИПАТА НА МОБИЛНОСТ МАКЕДОНИЈА НА МЕЃУНАРОДНИОТ ТУРНИР ВО ШАХ “СЕМИЧ 2026”