На 09.12.2023 година, во спортската сала во гимназијата “Гоце Делчев” во Куманово, во организација на Сојузот за спорт и рекреација на инвалиди Куманово, а со финансиска поддршка од Општинскиот сојуз на спортови Куманово и Агенцијата за млади и спорт (ваучер за 2023), беше одржан вториот меѓународен турнир за спортисти со инвалидност на кој учествуваа 16 пингпонгари од Црна Гора, Србија, Бугарија и Северна Македонија.
Судија на натпреварот беше Мики Трендафиловски, а настанот за отворен го прогласи Срѓан Величковиќ, секретар на ОСС Куманово во присуство на претседстелот на ССРИ Куманово, Страшко Коцевски.
“Особена чест и задоволство ми беше денеска да го отворам вториот по ред меѓународен пингпонгарски турнир за лица со попреченост, кој беше во организација на Општинскиот сојуз на спортови и ССРИ Куманово, со помош на пинг-понг клуб Куманово, а по повод Меѓународниот ден на лицата со инвалидност – 3 Декември, кој од оправдани причини се одржа со мало задоцнување. На турнирот земаа учество екипи од: Србија, Црна Гора, Бугарија, и Македонија.
Сите овие луѓе покажаа дека за да се бавиш со спорт е најбитен спортскиот дух. Нескриено беше нивното задоволство што се гости во нашиот град”.-истакна Срѓан Величковиќ, секретар на ОСС Куманово.
Во категоријата 6-8, првото место го освои Јордан Митев од Бугарија, второто Милорад Јовановиќ од Србија и третото Урош Гугољ од Црна Гора.
Во класата 9-10, првото место го освои Дејан Башановиќ од Црна Гора, второто Дарио Стошиќ од Србија и третото Страшко Коцевски од Куманово, Северна Македонија.
Поврзани објави
АТЛЕТИЧАРИТЕ УЧЕСТВУВААТ НА СРБИЈА ОПЕН 2026 ВО КРУШЕВАЦ
ДРЖАВНО ПРВЕНСТВО ВО ШАХ 2026 НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА
ПРВО МЕСТО ЗА ЕКИПАТА НА МОБИЛНОСТ МАКЕДОНИЈА НА МЕЃУНАРОДНИОТ ТУРНИР ВО ШАХ “СЕМИЧ 2026”