Македонските пингпонгари: Страшко Коцевски, Зоран Трајановски, Рубинчо Ристески и Игорчо Постолов, од 28-30.07.2023 година, на покана на „Nikea Para Sport Club – Varna“, учествуваа на Меѓународното првенство во пара пинг-понг „Varna Seagull Cup“ кој се одржа во Варна, Бугарија, на кој учество зедоа и пинг-понгари од: Романија, Србија, Црна Гора, Северна Македонија и домаќинот Бугарија.
Првенството беше организирано од „Nikea Para Sport Club – Варна“, со поддршка од Бугарската параолимписка асоцијација и општината Варна, а натпреварите по поединечни класи се одржаа во центарот за спортски подготовки на Бугарија во Варна (Спорт Палас).
Најдобар успех оствари нашиот пинг понгар Игорчо Постолов од Струмица, кој настапи во класа 6, и во конкуренција на 5 натпреварувачи го освои првото место. Честитки за Игорчо и постигнатиот успех.
Рубинчо Ристески од Прилеп настапи во класа 8 и во конкуренција на 6 натпреварувачи го освои петтото место.
Зоран Трајановски од Скопје во класа 10 во конкуренција на 12 натпреварувачи го освои деветтото место.
Страшко Коцевски од Куманово во класа 10 во конкуренција на 12 натпреварувачи го освои десеттото место.
Поврзани објави
ЗОРАН ЈОВАНОВСКИ ДИСКВАЛИФИКУВАН ПО ПРВОТО ВОЗЕЊЕ ВО СЛАЛОМ И НЕ ЗАБЕЛЕЖА ПЛАСМАН НА ЗИМСКИТЕ ПАРАОЛИМПИСКИ ИГРИ МИЛАНО КОРТИНА 2026
ПРВ ТРЕНИНГ НА ЗОРАН ЈОВАНОВСКИ НА ПАРАОЛИМПИСКИТЕ ТЕРЕНИ ВО КОРТИНА
ЗОРАН ЈОВАНОВСКИ И ДЕФИНИТИВНО Е УЧЕСНИК НА ЗИМСКИТЕ ПАРАОЛИМПИСКИ ИГРИ МИЛАНО КОРТИНА 2026