Градот Нови Сад, Србија е домаќин на последниот официјален настан за стрелаштво пара спорт пред Параолимписките игри во Токио 2020 година. На стрелиштето од 1-4 јули ќе се натпреваруваат повеќе од 15 натпреварувачи од 20 држави. Големата награда на Нови Сад 2021 година, е повеќе подготвителен настан и последен тест за спортистите во пресрет на Игрите во Токио.
Денес на програмата беа дисциплините воздушен пиштол мажи (П1) и жени (П2)
Македонската параолимпијка Оливера Наковска Бикова, во дисциплината П2 повторно блесна и со резултат од 570 кругови го освои првото место во основниот дел (91, 96, 96, 94, 96, 97), а подоцна во финалето во сериозна битка со унгарката Криста Давид да го освои и првото место, златниот медал и Големата награда на Нови Сад за 2021 година.
Честитки за Оливера која уште еднаш ги презентираше своите неоспорни спортски квалитети и да се издигне над меѓународната елита на учеснички на овој натпревар, повеќекратни носителки на параолимписки, светски и европски медали.
Ванчо Каранфилов (539 кругови) и Александар Јовановски (538 кругови) не успеаја да се изворат за влез во финале.
Утре од 9 часот наутро на програмата е дисциплината Спорт пиштол (П3) во која настапуваат сите наши спортисти.
Поврзани објави
ПРВО МЕСТО ЗА ЕКИПАТА НА МОБИЛНОСТ МАКЕДОНИЈА НА МЕЃУНАРОДНИОТ ТУРНИР ВО ШАХ “СЕМИЧ 2026”
ЗОРАН ЈОВАНОВСКИ ДИСКВАЛИФИКУВАН ПО ПРВОТО ВОЗЕЊЕ ВО СЛАЛОМ И НЕ ЗАБЕЛЕЖА ПЛАСМАН НА ЗИМСКИТЕ ПАРАОЛИМПИСКИ ИГРИ МИЛАНО КОРТИНА 2026
ПРВ ТРЕНИНГ НА ЗОРАН ЈОВАНОВСКИ НА ПАРАОЛИМПИСКИТЕ ТЕРЕНИ ВО КОРТИНА