На 30.11.2024 година, во чест на одбележување на 3.Декември – Меѓународениот ден на лицата со инвалидност, Сојузот за спорт и рекреација на инвалиди Куманово, со финансиска поддршка од Општински Сојуз на спортови Куманово и Националната федерација Спорт за сите, и со техничка поддршка од Гимназијата ” Гоце Делчев” Куманово (која отстапи простор за игра) и Понгпонгарскиот клуб Куманово (кои стручно го спроведоа натпреварот под раководство на тренерот Мики Трендафиловски), одржа меѓународен турнир во пинг понг со учество на 18 натпреварувачи од Србија, Црна Гора, Бугарија и Македонија.
Во категоријата мажи класа 6-8, првото место го освои Урош Гугољ од Црна Гора, второто Јордан Митев од Бугарија и третото Рубинчо Ристески од Македонија.
Во категоријата мажи класи 9-10, првото место го освои Дејан Башановиќ од Црна Гора, второто Дарио Стошиќ од Србија и третото Небојша Стојановиќ од Србија.
Настанот се спроведе во фер и коректна игра, а заврши со заеднички ручек и дружење на учесниците, нивните асистенти, тренери и организатори во ресторанот “Дома” во Куманово.
Благодарност до спонзорите и донаторите на овој, за нас величествен настан, кој придонесува за инклузија на лицата со инвалидност во општеството, преку спорт.
Поврзани објави
АТЛЕТИЧАРИТЕ УЧЕСТВУВААТ НА СРБИЈА ОПЕН 2026 ВО КРУШЕВАЦ
ДРЖАВНО ПРВЕНСТВО ВО ШАХ 2026 НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА
ПРВО МЕСТО ЗА ЕКИПАТА НА МОБИЛНОСТ МАКЕДОНИЈА НА МЕЃУНАРОДНИОТ ТУРНИР ВО ШАХ “СЕМИЧ 2026”