Македонските шахисти со инвалидност (со телесен инвалидитет, слепи и слабовидни) од 20-27.11.2020 година настапија на првата онлајн ФИДЕ шаховска олимпијада за лица со инвалидност и со освоени 9 бода (16 поени) од одиграни 7 кола во кои остварија 4 победи, 1 реми и 2 порази, го освоија високото 14 место во конкуренција на 60 екипи од 45 држави.
Честитки за постигнатиот успех и достојна презентација на нашата држава на овој голем спортски настан.
За потсетување, на натпреварот настапија 60 тимови од 45 држави (некои држави имаа и по 4 екипи). Натпреварот се играше на 4 табли, од кои на најмалку една табла задолжително играше жена, а темпо на играта беше 25 минути + 10 секунди.
За репрезентацијата на Република Северна Македонија ќе настапија 4 мажи и 2 жени, а нивниот успех по табли беше следниот:
На прва табла: Тоде Зефировски 4 поени од 7 кола (1 пораз)
На втора табла: Владимир Тркаљанов 6 поени од 7 кола (1 пораз)
На трета табла: Јанчо Ѓорѓевски 4 поени од 5 кола (1 пораз)
Жарко Селковски 0 поени од 2 кола (2 порази)
На четврта табла: Олга Ангеловска 1,5 поени од 4 кола
Марија Арсова 0,5 поени од 3 кола
Најдобрите 4 екипи: Русија 1, Украина 3, Полска 1 и Полска 3 ќе разигруваат во полуфинале, а победниците ќе се сретнат во финалето кое ќе се одржи на 02.12.2020 година, во чест на одбележувањето на 3. Декември – Меѓународен ден на лицата со инвалидност.
Целосна табела можете да ја видите на следниот линк:
Поврзани објави
ЛИГА ВО ПАРА ПИНГ ПОНГ ЗА 2026 ГОДИНА
МАКЕДОНСКИТЕ ПАРА ПИНГПОНГАРИ НА МЕЃУНАРОДЕН ТУРНИР НА ПРИЈАТЕЛСТВО ВО НИШ, СРБИЈА
МЕМОРИЈАЛЕН НАТПРЕВАР НА МОБИЛНОСТ МАКЕДОНИЈА СО ВЕТЕРАНИТЕ НА ФК СИЛЕКС, ВО ЧЕСТ НА ГОРАН ТРАЈЧЕВ