Македонската репрезентација во пара пинг понг во состав кој го определи Страшко Коцевски – тренер и селектор на репрезентацијата: Митко Сотировски- класа 10, Огнен Илиески – класа 10, Небојша Ташиќ – класа 9, Рубинчо Ристески – класа 8 и Тони Митровски – класа 8, од 22-24.05.2026 година учествуваа на меѓународниот пара пинг понг турнир “Varna Seagull Cup 2026” во Варна, Бугарија.
На натпреварот учествуваат спортисти од: Македонија, Бугарија, Србија, Романија и Црна Гора, а истиот се одржува во поединечна конкуренција.
Нашите натпреварувачи не успејаа да ги поминат натпреварите по групи и немаа можност да се пласираат во борбите за медали. На покана од претседателот на Параолимпискиот комитет на Бугарија, Илија Лалов и претседателот на Параспорт клуб Черно Море – Никеа, Маријан Маринов, со екипата патуваа претседателот и генералниот секретар на ПКСМ, Бранимир Јовановски и Драган Дојчиновски.
Средства за учество на овој натпревар беа обезбедени од Министерството за социјална политика, демографија и млади, и од Министерството за спорт.
Национална федерација за спорт и рекреација на инвалиди на Северна Македонија – Параолимписко комитет на Северна Македонија
Поврзани објави
ЛИГА ВО ПАРА ПИНГ ПОНГ ЗА 2026 ГОДИНА
МАКЕДОНСКИТЕ ПАРА ПИНГПОНГАРИ НА МЕЃУНАРОДЕН ТУРНИР НА ПРИЈАТЕЛСТВО ВО НИШ, СРБИЈА
МЕМОРИЈАЛЕН НАТПРЕВАР НА МОБИЛНОСТ МАКЕДОНИЈА СО ВЕТЕРАНИТЕ НА ФК СИЛЕКС, ВО ЧЕСТ НА ГОРАН ТРАЈЧЕВ