На 11.05.2022 година, во просториите на Олимпискиот комитет на Северна Македонија се одржа работен состанок помеѓу Даниел Димовски, претседател на Олимпискиот комитет на Северна Македонија (ОКСМ) и Бранимир Јовановски, претседателот на Параолимпискиот комитет на Северна Македонија (ПКСМ). На состанокот присуствуваа и генералниот секретар на ПКСМ, Драган Дојчиноски и тренерот по кошарка, Саша Димитриевиќ.
Тема на состанокот беше можноста спортистите во кошарка во количка да користат еден од терените на Спортскиот центар „Јане Сандански“ за тренинг и играње на натпревари. На наше големо задоволство и со целосна поддршка од претседателот Димовски, начелна согласност е постигната, останува да се набави потребната опрема (пред се специјализирани колички за кошарка), да се направи план на тренинзи, и секако најважното, да се обезбедат донатори и спонзори кои ќе ја затворат финансиската конструкција неопходна за покривање на трошоците на спортистите и стручните лица за непречено одржување на тренинзи и натпревари.
Следна фаза на иницијативата за започнување со екипниот спорт кошарка во колички е формирање на клуб, но и комуникација со донаторите за забрзување на постапката за набавка на опрема и реквизити.
Поврзани објави
АТЛЕТИЧАРИТЕ УЧЕСТВУВААТ НА СРБИЈА ОПЕН 2026 ВО КРУШЕВАЦ
ДРЖАВНО ПРВЕНСТВО ВО ШАХ 2026 НА ЛИЦА СО ТЕЛЕСЕН ИНВАЛИДИТЕТ НА МАКЕДОНИЈА
ВО ДАБЛИН ОДРЖАН ТРЕТИОТ ТРАНСНАЦИОНАЛЕН ПАРТНЕРСКИ СОСТАНОК НА ПРОЕКТОТ VIEWS