Во рамките на одржување на Меѓународното првенство на Југоисточна Европа 22-29.06.2008 година, се одржа и натпреварување во стрелаштво за лицата со инвалидност на кое присуствуваа натпреварувачи од 8 држави: Србија, Македонија, Словенија, Хрватска, Босна и Херцеговина, Украина, Грција и Унгарија.
Република Македонија на овој натпревар ја претставуваа параолимпијците: Оливера Наковска Бикова, Ванчо Каранфилов и Бранимир Јовановски, како и стрелците чие време допрва доаѓа: Тони Митровски и Лидија Крстеска.
Нашите спортисти параолимпијци постигнаа исклучително високи резултати освојувајќи 5 медали од кои 3 златни и 2 сребрени.

Македонските параолимпијци - стрелци Оливера Наковска-Бикова и Ванчо Каранфилов заедно со нивниот тренер Бранимир Јовановски го започнаа циклусот на завршни подготовки за учество на Параолимписките игри во Пекинг. Подготовките ќе се спроведат на стрелиштето во Охрид и од страна на тренерот се поделени во два дела, првиот од 21-29.07.2008 и вториот од 11-26.08.2008 година.
Спортистите се чувствуваат добро, со леснотија ги издржуваат напорите, а карактеристично за првиот дел од подготовките е конечно да се извршат евентуалните корекции на опремата со која спортистите ќе настапат како и да се извршат тестови на оружјето и на муницијата со која ќе се настапи на вториот дел од подготовките и на самите Параолимписки игри.